Ad k-awi$ di targit-ik
D afus adak-îfe$
Wis ma ad tâeqlev iman-ik
Mi ara k-ssiwve$
Ad k-awi$ s ayen teooiv
Seg wass-n ar ass-a
Ad teérev ayen i wumi ur tecfiv
Wali-t di tnafa

Ad k-awi$ add-temmektiv
Amek tekkrev mi ara te$liv
Ayen truv ayen tevûiv
£as ma tettuv-ten
Ayen i ak-d-yegran d ccama
Ad twaliv ansi i d-yekka
Mi ara tfehmev ssebba
Ad sefven dayen

Zemre$ ad k-d-awi$
Ayen i ak-yehwan di targit
Ad ak-d-sewre$ ddunit
N wayen iâeddan
Ad ak-id-smekti$
Targit ad k-terr $er teméi-k
Ad ak-sekkne$ ussan-ik
Amek akk ay bdan
Ad ak-d-sekne$ asaru
N teméi-k amek i k-tesru
Ad twaliv lêif zhu
I k-id-irebban
Ayen teb$iv ad as-tecfuv
Ayen i$ef i tâemdev tettuv
Mi ara d-takiv ad teêluv
Seg wayen i ak-âebban
Zemre$ ad k-d-awi$

Adak-d-sekne$ amek i tleêêuv
Di ûbeê n teméi-k
I udfel agris aluv
Ijerêen ivarren-ik
Ad ak-sekne$ adrar cfu
I d-ak-yesêefven
Über d urfad n uqerru
I k-id-yessekren
Teôwam $as ma telluéem
£as ma teâyam tbeddem
Deg-wen yebda-d usirem
Keçç tizyiwin-ik
Wali yemma-k di tnafa
Amek i tqubel axxam lexla
£as akken si zman teêfa
Turoa kan leb$i-k
Zemre$ ad k-d-awi$

Ad teérev wis ma tecfiv
Mi d-yuwev Uôumi
Tedlev ass-n ur d-tecqiv
Di tlaba n teméi
Tamegêelt mi tt-twalav
Teâoeb-ik tecbeê
Maâni teméi tesse$lav
Ur tefhimev ûûeê
Lxuf lbaîel i d-yebdan
Twalav-ten mi d-vran
Ooan-d i wid i d-yegran
Ooan-d lateô-nsen
Ad ak-d-sekne$ yir ussan
Msetbaâen d yir wuvan
Ad teérev lêif i ten-yeévan
Keçç têevrev-asen
Zemre$ ad k-d-awi$

Ad ak-d-awi$ tteswirat
Ad ak-id-yesmektin
Arrac irgazen lxalat
Afus ti$ratin
Ad ak-d-sekne$ iman-ik
Mi teddiv yid-sen
S laâlam gar yifassen-ik
Keçç d yirfiqen
Ad ak-d-awi$ targit-nni
N wasmi yeffe$ uôumi
Qlil win iêevren ur yecfi
I lferê n wass-n
Amek ass-agi tneqlab
Amek alarmi lêeq i$ab
Qesden-d i tjaddit ad trab
Wa d ayen niven, d taqsiî niven
Zemre$ ad k-d-awi$

Lezzayer teooa twa$it
D tacebêant tesbe$
Asmi akken i nenwa ddunit
Tevsa-d $er $ur-ne$
Arrac ooan sirao
R$ant tebwavin
La ttêewisen am yiferrao
I tebâen tisekrin
Leânaya n udrar tuwev
Ur yeooi êedd ad t-yeôkev
Wa ur izad $ef wayev
Neêla mi nuven
Ad ak-d-sekne$ amek i texreb
Tidet amek i tt-yenfa lekdeb
Leâqel mi yu$al yesleb
Wa d ayen niven, d taqsiî niven
Zemre$ ad k-d-awi$

Adak-awi$ di targit-ik
Ad d-néur tayri
Asmiakken i d-tedla s ul-ik
Teff$ev-d si teméi
Asmiakken i d as-tehdiv
Asefru amenzu
Waqila ass-n ur teériv
Ul yebda icennu
Tayri tekcem di ôôuê-ik
Yal ti$mert di tudert-ik
Tezde$ ula di tili-k
Almi ik-tessuven
Ass-agi tbeddel ûûifa
S twacult akked dderya
Terra-d fell-ak talaba
Si tid icebêen
Zemre$ ad k-d-awi$

Ad k-éu$re$ di tnafa
Ad k-id-yesmektin
£ef yi$enayen n uzekka
N sebâa u settin
Ad teérev iman-ik yid-sen
Am keçç i ttargun
Am keçç uwin-d tirga-nsen
Ad tent-id-cnun
Yal wa amek i as-teffe$ targit
Wa tesrut wa tessefreê-it
Maâni fkan i teqbaylit
Amkan di tafat
£as azekka maççi nsen
Fkan-d seg wul ayen ssnen
Kkren-d wid yumnen yis-sen
Ad aéen $er zdat
Zemre$ ad k-d-awi$

Taqsiî niven
Tin i d a$-yu$en
£as yella wamek
Abrid yessawen
D acu akken niven
Bezzaf i nuven
Ur d-iban wamek
I yessuffu$en

Nezwer di tem$er
Negra-d di teméi
Newhem acu$er
Fell-a$ mi d-tezzi
Sxerben-a$ ussan
Wid i d a$-yeksan
Wis d acu i a$-ssan
Negguma ad d-naki
Neîîes di laman
Nehren-a$ waman
Nuroa gar yiselman
Tawwurt ad d-telli

Yeâoeb-a$ leâli
Yessewhem-a$ lsas
S lbeâd i d-ne$li
Mi nefhem sebba-s
£as yeggra-d ôôuê
Yesseêlan leoruê
Lhem ur a$-icuê
Yuwi-d nnuba-s
D ibawen $ef lluê
Meqqer ne$ mecîuê
Yal wa sani iruê
Wa ur yeddi d gma-s

Mi nezwer aêlil
Nessegra meskin
Nenwa ayen ur neshil
Yebâed-a$ akin
Zi$ fkan afus
Wid yefsin aggus
Xedâen nekkni nêus
Ur d a$-tt-id-êkin
Zi$ aîas i nxuû
Nevmeâ maççi drus
Ad kksen ammus
Wid deg-s ttekkin

S lxir di leâvil
Akked Llah $aleb
Nettabeâ lkil
N win yellan yesleb
Ur neéri tigert
Akka si tezwert
Winyeîîfen tazzert
Fell-a$ ad tt-yeqleb
Nefka-as tiêdert
I winyen$an tudert
Nerna-as tazmert
Akken ad a$-d-yeskiddeb

Mi nezwer lukan
Nessegra wissen
Nenwa yir ussan
Ad seggmen yis-sen
£as abrid nelêa-t
A$ebbar neçça-t
Di îlam i nekkat
Ulac i a$-d-sukksen
Ayen ifaten ifat
Mi iâedda nwala-t
Neîîamaâ tafat
Deg wid i tt-yekksen

Nezwar s te$zi
S tehri nkemmel
Winyeb$an ad a$-yendi
Fell-as ad nettkel
Ayen ideg i $elîen
Yal mi ara t-$evlen
Mi ye$li ad t-neîlen
Ad t-id-nessekfel
Ayen akk sâewoen
I useggem ad a$-teooen
Mi d a$-êwaoen
Ngerrez i usfel

Seg wasmi nemlal
Deg wass amenzu
Ass-nni i d-nettlal
Nezha ne$ nettru
Neêfev-d akkenni
Zman yes$er-a$
Mi nefreê ad n$enni
Mi nezâef nettna$
Ayen i a$-icerken
Deg-s nemyeâqal
Aman ma ne$len
Ur yeréi ubuqal
Yiwen n uxxam-nne$
Deg-s ur nessexûar
Win yecven deg-ne$
Wayev ad d-yerr ttaô

Acêal d aseggas
I d-nettemlili
Äeddan am yiwwas
Uzzlen nettwali
Skud i la néer
Wid akk nêemmel
Yid-sen nheddeô
Ma ad d-hevren la nsel
Neéra ayen yevran
Ur neéri ay yevrun
Nemcarak uvan
D wid yettargun
Nêemmel ad nidir
D widak yeddren
£as ad d-nettfekkiô
Wigad yemmuten

Ccib $er wiyav
I la t-nettwali
Nedda di le$lav
Yeskaddeb-a$ lemri
Ma neméer nefreê
Ntettu lehmum
D ayen akk ay d ûûeê
Neb$a ad a$-idum
£as ur neéri ara
Ayen ad d-yasen anef-as
Ad t-neoo i uzekka
Yak ad yali wass
Ad nidir ussan
Akken ara d-asen
S wudem yevsan
Akken ad a$-d-vsen

Wa ivemnen iman-is
Azekka ur t-yettfat
Ad d-llint wallen-is
Ad érent tafat
Avar di lqaâa
Wayev yekcem rkab
Yal ass ur neéra
Ma ad nemmet ne$ ad ncab
Avar deg uéekka
Wayev di ddunit
Neqreb taggara
Nebâed talalit
Ad nfareû ad nemlil
£er tudert nerzef
Wissen ma ad tiwzil
Ne$ ad tessi$zef

Nezger-d i têemmal
I d-yen$el zman
Äeddant ur nmal
Leqrun akk éran
Tecfam akken cfi$
I yal d lbaîel
Di leâmer éri$
Tuggadem akemmel
Telêam $er zdat
Ula di tsusmi
Telêam am tafat
I$elben ti$ri
Mi ara d-tneîqem
Ttadden waman
Mi ara d-têemlem
D abrid i wen-ooan

Nettraou cnawi
Widak i nectaq
Cennun-d $ef tayri
£ef wid yedla lfiraq
Nettraou cnawi
Widak i neb$a
Yis-sen ad d-nesmekti
Si yal d lmeêna
Nettraou cnawi
Nettraou acennay
Ad nsel ad nwali
Ayen ad d-yawi $lay
A wid iêulfan
Lêeq ma ad as-t-terrem
Nettas-d s wurfan
Nettawi asirem

Seg wa $er wayev
Nevêa-d nemyussan
Almi ur nessawev
Leêsab i wussan
Nemlal gar-ane$
Nessen nettwassen
D taqbaylit-nne$
I d a$-icerken
Nemsa$ tanumi
Neâdel tiktiwin
Ma d-nettemlili
Ulawen tellin
Mi nger aéeîîa
Neéva s teqbaylit
Wa ad t-id-yeoo i wa
Ad d-teêyu tjaddit

Abeêri
èer kan abeêri i d-yettuvun
Win yesluffun win ibennun
Win yetthuddun win icennun
I yettavsan i yettu$un
I d-yettawin tudert lmut
èer kan abeêri i d-yettruêun
Di yal ti$ilt di yal axxam
Yettazalen deg uzal i îîlam
D-iqelâen iéra si leêyuv
I yettakken ûûut i lexyuv
I d-yettawin laé akked lqut
èer kan abeêri i d-yettruêun
Yettdeggir lembabeô $ef waman
I ten-yesrusun i ten-iqelâen
I yibeêriyen i yessexrab targit
Ne$ yettarra lebêer am zzit
Win ivemnen tudert i lêut

Aman
èer kan aman yettazzalen
Di leâwanûer akked yisaffen
Yettakken tudert di lexla
I yal im$i yal ttejôa
Ulac tudert ma ulac-iten
èer kan aman i d-yekkaten
Seg yigenwan xelqen-d isaffen
I wumi ur ttqaîîaâen ifassen
£as glan-d s lxuf i umdan
Ulac tudert mebla yis-sen
èer kan aman ma teffadev
Mi ten-teswiv ad tidirev
Mi teôwiv ad ten-tne$lev
Fell-asen tzemrev ad ten$ev
Ma yusa-d wass ideg ad k-xassen

Times
èer kan times tettaggadev
£as fell-ak tettarra asemmiv
Trewwlev-as ma seg-s ter$iv
Tettqerribev-tt ma seg-s teêmiv
Tsewway-ak-d ma tellaéev
èer kan times i d-yuwin tafat
£as as$ar di l$aba teçça-t
Tekcem lexyuv tuzzel $ef leêyuv
Yid-s teddrev yid-s tleêêuv
Iîij yeb$a yis-s ad téerrev
èer kan times tettaggadev
Tessnev-tt seg wasmi i d-tlulev
Seg-s teççiv $er-s teéaénev
Twunes-ik asmi akken tuvnev
Tezha yid-k asmi akken tferêev

Akal
èer kan akal i tennumev
Nnan seg-s i d-tlulev
Deg-s trekdev deg-s tzerâev
Seg-s teççiv $er-s tsusfev
Netta ad ak-yesseô asmi ara truêev
èer kan akal-nni i têeqrev
Si yal ammus $er-s tsefvev
Tettuv l$ella i ak-d-ikeîîer
Asmi teôwiv teooiv-t yenîer
Yal lxir-is deg-s tnekrev
èer kan akal i seg teddmev
Si yal ôeéq i s id-tekkrev
Ad ak-d-yini avu têeqrev-t
Yernu lxir n tmes tnekrev-t
Azal n waman treggmev-t
Ad k-faten yakk asmi ad tnedmev